கிர்கிஸ்தான் அரசியல் குழப்பத்தால் ரஷ்சியாவின் உறவு சீர்குலையுமா! -ஐ.வி.மகாசேனன்-

மத்திய ஆசியா என்பது சமீபத்திய சர்வதேச அரசியலில் போராட்ட களமாகவே உருவகப்படுத்தப்பட்டு வருகிறது. முடிவில்லா போர்க்களமாக மாறியுள்ளது ஆர்மீனியா எதிர் அஜர்பைஜான் மோதல். மறுபக்கம் பெலாரஸ், மொன்ரிநீக்ரோ, வரிசையில் தற்போது கிர்கிஸ்தானிலும் நடைபெற்று முடிந்த தேர்தலை மையப்படுத்தி மக்கள் போராட்டங்கள் வெடித்துள்ளது. எனிலும் ஏனைய மத்திய ஆசிய நாடுகளின் போராட்ட பின்னனியிலிருந்து கிர்கிஸ்தான் போராட்ட பின்னனி வேறுபடுகிறது. கிர்கிஸ்தான் மக்கள் போராட்டம் ஜனநாயகத்துக்கான மக்கள் புரட்சியாகவே சர்வதேச அரசறிவியலாளர்களால் நோக்கப்படுகிறது. அதனடிப்படையில், இக்கட்டுரையும் கிர்கிஸ்தான் போராட்ட பின்னனிகள் மற்றும் நிலைமைகளை தேடுவதாகவே உருவாக்கப்பட்டுள்ளது.

கிர்கிஸ்தான் மக்கள் போராட்டத்தை தேடுவதாயின் அதன் புவியியல் அமைவிடமும் அவசியமாகிறது. கிர்கிஸ்தான் நாடு வடக்கே கஜகஸ்தான், மேற்கில் உஸ்பெகிஸ்தான், மற்றும் தெற்கிலும் கிழக்கிலும் தஜிகிஸ்தான் மற்றும் சீனாவால் எல்லையாக உள்ளது. 1876ஆம் ஆண்டில், இது ரஷ்சிய சாம்ராஜ்யத்தின் ஒரு பகுதியாக மாறியது, ரஷ்சிய புரட்சிக்குப் பின்னர் சோவியத் ஒன்றியத்தில் கிர்கிஸ் சோவியத் சோசலிச குடியரசாக இருந்தது. சோவியத் ஒன்றியத்தில் மைக்கேல் கோர்பச்சேவின் ஜனநாயக சீர்திருத்தங்களைத் தொடர்ந்து, 1990 இல் சுதந்திர சார்பு வேட்பாளர் அஸ்கர் அகாயேவ் ஜனாதிபதியாக தேர்ந்தெடுக்கப்பட்டார். ஆகஸ்ட் 31, 1991இல், கிர்கிஸ்தான் மாஸ்கோவிலிருந்து சுதந்திரம் அறிவித்தது. ஒரு ஜனநாயக அரசாங்கம் நிறுவப்பட்டது. 1991இல் சோவியத் யூனியன் உடைந்த பின்னர் கிர்கிஸ்தான் ஒரு தேசிய அரசாக இறையாண்மையை அடைந்தது. கிர்கிஸ்தானின் தலைமை சமீபத்திய ஆண்டுகளில் மாஸ்கோ தலைமையிலான யூரேசிய பொருளாதார ஒன்றியம் மற்றும் கூட்டு பாதுகாப்பு ஒப்பந்த அமைப்பின் சோவியத்துக்கு பிந்தைய இராணுவ கூட்டணியின் கீழ் ரஷ்யாவுடனான தனது உறவை வலுப்படுத்தியுள்ளது. அத்தகைய உறவு கிர்கிஸ்தானின் சுதந்திரத்தை மீறுவதாகக் கூறி எதிர்க்கட்சி இயக்கங்கள் அந்த நெருங்கிய உறவுகளை விமர்சித்து வந்தமையும்  குறிப்பிடத்தக்கது.

சுதந்திரத்திற்குப் பின்னர், கிர்கிஸ்தான் அதிகாரப்பூர்வமாக ஒரு ஒற்றையாட்சி நாடாளுமன்ற குடியரசாக இருந்து வருகிறது, இருப்பினும் 6.5 மில்லியன் மக்கள் வாழும் நாடு தொடர்ந்து இன மோதல்கள், கிளர்ச்சிகள், பொருளாதார சிக்கல்கள், இடைக்கால அரசாங்கங்கள் மற்றும் அரசியல் மோதல்கள் என்பவற்றால் அரசியல் கொந்தளிப்பின் வரலாற்றைக் கொண்டுள்ளது. கடந்த 15 ஆண்டுகளில், இரண்டு ஜனாதிபதிகள் கிளர்ச்சியால் கவிழ்க்கப்பட்டுள்ளனர். மூன்றில் ஒரு பகுதியினர் அவரது வாரிசுடன் வெளியேறிய பின்னர் சிறையில் உள்ளனர். இவ்ஸ்திரமற்ற சூழலில் 2010ஆம் ஆண்டு ஆட்சி கவிழ்ப்புக்கு பின்னர் உருவாக்கப்பட்ட அரசாங்கமானது நீண்டதொரு காலத்திற்கு 10 ஆண்டுகளாக ஒப்பீட்டு அடிப்படையில் ஸ்திரமான ஆட்சியை வழங்கியுள்ளது. எனிலும் மீள 10ஆண்டு இடைவெளியில் மீண்டுமொரு ஆட்சி கவிழ்ப்பு கிர்கிஸ்தானை உலுக்கியுள்ளது. 

கடந்த ஒக்டோபர்-04 அன்று கிர்கிஸ்தான் ஜனாதிபதி சூரன்பே ஜீன்பெகோவின் அரசியல் மூலதனத்தையும், வாக்கு கொள்முதல் குற்றச்சாட்டுகளுக்கும், இரண்டு தசாப்தங்களில் மோசமான பொருளாதார நெருக்கடிக்கும் மத்தியில் புதிய கூட்டணிகளை உருவாக்கும் திறனையும் சோதிக்கும் என்ற நிலையில் ஒற்றை அறை நாடாளுமன்றத்தில் மொத்தம் 16 கட்சிகள் 120 இடங்களில் போட்டியிட்டன. தேர்தலுக்கு முன்னதாகவே ஆகஸ்ட் மாதம் அமெரிக்க ஆதரவுடைய சர்வதேச குடியரசுக் கழகம் உத்தரவிட்ட கருத்துக் கணிப்பில், 15 சதவீதத்தினர் அனைத்து கட்சிகளுக்கும் எதிராக வாக்களிக்கும் யோசனையை ஆதரித்ததாகக் காட்டியது. வேட்பாளர்கள் எவரும் 'அனைவருக்கும் எதிரான' விருப்பத்தை விட அதிக வாக்குகளைப் பெறவில்லை என்றால், ஒரு புதிய தேர்தல் அழைக்கப்பட வேண்டும் என்ற முன்னெச்சரிக்கை தேர்தலுக்கு முன்னரே அதிகமாக உரையாடப்பட்டது.

கிர்கிஸ்தானில் ஆட்சி அமைக்க 61 இடங்கள் தேவை. ஆனால், எந்த ஒரு கட்சிக்கும் பெரும்பான்மை கிடைக்கவில்லை. அதேசமயம் போட்டியிட்ட 16 கட்சிகளில் வெறும் 4 கட்சிகள் மட்டுமே 7 சதவீத வாக்குகளை பெற்று நாடாளுமன்றத்துக்குள் நுழைவதற்கான தகுதியைப் பெற்றன. இதனால் மற்ற 12 கட்சிகளும் கடும் கோபமடைந்தன. தேர்தல் முடிவுகளை ஏற்க போவதில்லை என அந்த கட்சிகள் கூட்டாக முடிவெடுத்தன. தேர்தல் முடிவுகளை ரத்து செய்யக்கோரி எதிர்க்கட்சியினர் போராட்டத்தில் குதித்தனர். அவர்களுடன் பொதுமக்களும் கைகோர்த்ததால் போராட்டம் விஸ்வஷரூபம் எடுத்தது. கிர்கிஸ்தான் ஒரே இரவில் அமைதியின்மையால் குலைந்தது. ஒருவர் கொல்லப்பட்டார் மற்றும் 590 பேர் காயமடைந்தனர்.  

கிர்கிஸ்தானின் மத்திய தேர்தல் ஆணையம் அக்டோபர்-6அன்று அக்டோபர்-04இல் நடந்து முடிந்த நாடாளுமன்றத் தேர்தலின் முடிவுகளை ரத்து செய்ததாக உள்ளூர் ஊடகங்கள் தெரிவித்தன. அத்துடன் மக்கள் ஆர்ப்பாட்டங்களையடுத்து கிர்கின்ஸ்தான் பிரதமர் குபாட்பெக் போரோனோவும் பாராளுமன்ற சபாநாயகர் தஸ்தான் ஜுமாபெக்கொவும் தங்கள் இராஜினாமாக் கடிதத்தை தலைநகர் பிஷ்கெக்கில் நடந்த பாராளுமன்ற உறுப்பினர்கள் கூட்டத்தில் வழங்கினர். இவர்களின் இராஜினாமாவையடுத்து அக்டோபர்-14 அன்று சதிர் ஜாபரோவை இடைக்கால பிரதமராகவும், மிகிபெக் அப்தில்தாயேவை பாராளுமன்ற சபாநாயகராகவும் நியமிக்க சட்டமியற்றுபவர்கள் ஒப்புதல் வழங்கியுள்ளனர்.

சதிர் ஜாபரோ ஒரு பொது அதிகாரியைக் கடத்தியதற்காக ஒரு தண்டனை அனுபவிக்கும் சிறைக்குப் பின்னால் இருந்தவர். தற்போது நாட்டின் புதிய அரசாங்கத் தலைவராக மாறிவிட்டார். முன்னாள் ஜனாதிபதி குர்மன்பேக் பக்கீவின் ஆதரவாளராக ஜாபரோவ் 2005இல் பாராளுமன்றத்திற்கு தேர்ந்தெடுக்கப்பட்டார். குர்மன்பேக் வெகுஜன அளவிலான ஊழலில் ஈடுபட்டார் என்பது தெளிவாகத் தெரிந்த பின்னர் 2010இல் ஒரு புரட்சியில் தூக்கியெறியப்பட்டார். அந்த நேரத்தில், ஜாபரோவ் மாநிலத்தின் ஊழல் தடுப்பு நிறுவனத்தில் ஆணையராக பணியாற்றி வந்தார். புரட்சியைத் தொடர்ந்து, அவர் பக்கீவ் சார்பு கட்சியின் உறுப்பினராக தனது அரசியல் வாழ்க்கையைத் தொடர்ந்தார் மற்றும் பல ஆண்டுகளாக நாட்டின் தங்கச் சுரங்கங்களை தேசியமயமாக்குவதற்கு உறுதியான முறையில் ஆதரவளித்தார். உள்ளூர் கும்தோர் தங்க சுரங்கத் திட்டத்திற்கு எதிரான போராட்டத்தின் போது கரகோல் நகரில் ஒரு மாகாண ஆளுநரை பணயக்கைதியாக அழைத்துச் சென்றதற்காக 2013 ஆம் ஆண்டில் அவருக்கு 11 மற்றும் ஒன்றரை ஆண்டுகள் சிறைத்தண்டனை விதிக்கப்பட்டது. ஆனால் கம்பிகளுக்குப் பின்னால் இறங்குவதற்கு முன்பு, அவர் கஜகஸ்தானுக்கு தப்பி ஓடிவிட்டார், மார்ச் 2017இல் கசா-கிர்கிஸ் எல்லையில் பிடிபட்டார். இந்நிலையில் அக்டோபர்-4 நாடாளுமன்றத் தேர்தல் முடிவுகளுக்கு எதிரான மக்கள் போராட்டத்தில் சிறைச்சாலைகளைத் தாக்கியதால் முன்னாள் ஜனாதிபதி அல்மாஸ்பெக் அட்டம்பாயேவ் உட்பட பல உயர்மட்ட கைதிகளை விடுவித்தனர். அதில் ஒருவராக கிர்கிஸ்தானின் தங்கச் செல்வத்தை பொதுமக்களுடன் பகிர்ந்து கொள்ள விரும்பும் தேசியவாதியான ஜாபரோவ்-உம், அமைதியின்மைக்கு மத்தியில் எதிர்ப்பாளர்களால் விடுவிக்கப்பட்டார். 

பாராளுமன்றத்தின் துணை சபாநாயகர் மிர்லான் பகிரோவ், மெக்கனிம் கிர்கிஸ்தானின் உறுப்பினர், மோசமான கிர்கிஸ் கிங்மேக்கர் ரெயிம்பெக் மெட்ரிமோவ் உடன் இணைந்த ஒரு கட்சி சிறைச்சாலையிலிருந்து மீட்கப்பட்ட ஜாபரோவை பிரதமர் பாத்திரத்திற்காக முன்மொழிந்தார். ஏராளமான ஆதரவாளர்கள் தங்கள் புதிய தேசிய ஹீரோவைச் சுற்றி வரத் தொடங்கினர். அவரது தேசியவாதம் மற்றும் தனியார்மயமாக்கப்பட்ட தங்க சுரங்கங்கள், திருடப்பட்ட தேசிய செல்வம் ஆகியவற்றை மக்களுக்கு திருப்பி அளிப்பதாக வாக்குறுதியால் சிலர் ஈர்க்கப்பட்டனர். பிஷ்கெக்கின் வீதிகளில் தூசி தீர்ந்துவிட்டது, கிர்கிஸ்தானின் சர்ச்சைக்குரிய நாடாளுமன்றத் தேர்தலைத் தொடர்ந்து ஏற்பட்ட அரசியல் எழுச்சி அமைதியடைந்துள்ளது.

எனினும் தடுப்புகாவல் குற்றவாளி அரச உயர் அதிகாரத்தை எவ்வாறு திடீரென பெற்றார் என்ற விமர்சன பார்வையும் சமாந்தரமாக முடியாத குழப்பமாக கிர்கிஸ்தான் அரசியலில் காணப்படுகிறது. 'ஜாபரோவ் தடுப்புக்காவலில் இருந்து உடனடியாக மிக உயர்ந்த அதிகாரத்திற்கு குதித்தார் என்பது எப்படி சாத்தியம் என்று யாராலும் சொல்ல முடியாது என்று நான் நினைக்கிறேன். இந்த கேள்விக்கு தற்போது யாரும் பதிலளிக்க முடியாது, அது நம் அனைவரையும் குழப்பத்தில் ஆழ்த்தியுள்ளது' என்று கிர்கிஸ் கல்வியாளரான அசெல் டூலோட்ட்கெல்டீவா கூறினார். ஜாபரோவ் திட்டத்தின் பின்னால் யார் இருக்கிறார்கள் என்ற கேள்விகள் உள்ளன. ஆனால் அவரது பொது மக்கள் முறையீட்டை குறைத்து மதிப்பிடக்கூடாது. 'மூன்று தசாப்தங்களாக தங்க வாடகை இல்லாத சாதாரண குடிமக்கள் மத்தியில் இயற்கை செல்வம் மக்களுக்கு சொந்தமாக இருக்க வேண்டும் என்ற கருத்து மிகவும் பிரபலமாக உள்ளது. ஜாபரோவ் அதைப் பயன்படுத்திக் கொள்ள முடிந்தது, அதனால்தான் அவர் தெற்கிலும் வடக்கிலும் எல்லா இடங்களிலும் ஆதரவைப் பெறுகிறார்.' என்று டூலட்கெல்டீவா கூறினார். 

கிர்கிஸ்தானின் அரசியல் குழப்பம் என்பது  ரஷ்சியாவிற்கான பேரிடியாகவே காணப்படுகிறது. எதிர்க்கட்சிகள் இணை மக்கள் போராட்டத்தில் ரஷ்சிய சார்பு ஜனாதிபதி சூரன்பே ஜீன்பெகோவ் பதவி விலக வேண்டும் எனும் கோரிக்கை முதன்மையாக வைக்கப்பட்டது. ஜாபரோவ் தலைமையிலான இடைக்கால அரசாங்கத்தின் முதன்மை செயற்பாடாகவும் அதுவே காணப்பட்டது. அதனடிப்படையிலேயே அக்டோபர்-15 அன்று 'இந்த பதற்றமான சூழலுக்கு மத்தியில், ரத்தம் சிந்திய மற்றும் தனது சொந்த குடிமக்களை சுட்டுக் கொன்ற ஜனாதிபதியாக நான் தரம் தாழ்ந்து செல்ல விரும்பவில்லை' எனக்கூறி ஜனாதிபதி சூரோன்பாய் ஜீன்பெகோவ் தனது பதவியை இராஜினாமா செய்தார். இந்நிலையில் புதிய அரசாங்கம் ரஷ்சியாவுடன் எத்தகு உறவை தொடரும் என்பது கேள்விக்குறியாக உள்ளது.

ஏற்கனவே ரஷ்சியா நட்பு நாடுகளான பெலாரஸ் மற்றும் ஆர்மீனியா சம்பந்தப்பட்ட பெரிய நெருக்கடிகளையும், எதிர்க்கட்சித் தலைவர் அலெக்ஸி நவல்னியின் விஷத்தைச் சுற்றியுள்ள அதன் சொந்த பிரச்சினைகளையும் கையாண்டு வரும் சூழலில் பிராந்தியத்தில் ரஷ்சியா சார்பு ஆட்சியாரின் ஆட்சி கவிழ்ப்பு ரஷ்சியாவிற்கு பதட்டத்தையே உருவாக்க கூடியதாகும். எனினும் கிர்கிஸ்தானின் புதிய ஆட்சிளார் ரஷ்சியாவுக்கு சார்பான சமிக்ஞையையே காட்டியுள்ளார். ரஷ்சியா -24 தொலைக்காட்சி சேனலுக்கு அளித்த பேட்டியில் கிர்கிஸ்தானின் முக்கிய மூலோபாய பங்காளராக ரஷ்சியா இருக்கும் கிர்கிஸ்தானின் இடைக்கால அரசாங்க தலைவர் ஜாபரோவ் தெரிவித்துள்ளார். 'ரஷ்சியாவுடனான எங்கள் கடமைகளைப் பற்றி நாங்கள் பேசினால், அனைத்து உறவுகளும் - கிர்கிஸ் குடியரசின் ரஷ்ய கூட்டமைப்பிற்கான நிதி மற்றும் பிற கடமைகள் - முழுமையாக நிறைவேற்றப்படும். எந்த மாற்றங்களும் இருக்காது, அப்படியானால், பரஸ்பர ஒப்பந்தத்தால் மட்டுமே' என்று ஜாபரோவ் கூறினார். கிர்கிஸ்தானும் ரஷ்சியாவும் 'இதுவரை ஒன்றாக இருந்தன, தொடர்ந்து ஒன்றாகவே இருக்கும்' என்று வலியுறுத்தினார்.

மத்திய ஆசியாவின் குழப்பகரமான சூழல் தொடர்ச்சியாக ரஷ்சியாவின் அரசியலிலேயே தாக்கம் செலுத்தி வருகிறது. இந்நிலையில் கிர்கிஸ்தானில் ஏற்பட்டுள்ள இடைக்கால அரசாங்க கட்டமைப்பு கிர்கிஸ்தானின் தேசியவாதத்தில் அதீத அக்கறை கொண்டது என்ற ரீதியில் கிர்கிஸ்தானின் தேசியவாத தளத்திற்கு ரஷ்சியாவினால் பாதிப்பு வராத வரை ரஷ்சியா – கிர்கிஸ்தான் மூலோபாய உறவிலும் பாதிப்புக்கள் ஏற்படாது என்பதே அரசியல் நிலவரமாக காணப்படுகிறது.